ស្អែកម្ដងទៀត

ដាច់ស្តុក

ប្រភេទ៖

លើកទឹកចិត្ត

តម្លៃ USD៖

$ 8.00

តម្លៃ KHR៖

32,000 KHR

តម្លៃកក់ KHR៖

ចំនួនទំព័រ៖

272

អ្នកនិពន្ធ៖

កែវ សេងរដ្ឋា

ថ្ងៃចេញផ្សាយ៖

បោះពុម្ពលើកទី៖

1st

“ស្អែកម្ដងទៀត” គឺជាស្នាដៃទីបួនរបស់ខ្ញុំ បន្ទាប់ពី “សំឡេងខ្សឹប” “ហឫទ័យ” និង “បែបណាទើបល្អ?”។ សៀវភៅថ្មីមួយក្បាលនេះ ក៏ជាប្រភេទសៀវភៅលើកទឹកចិត្តដូចសៀវភៅមុនៗដែរ គ្រាន់តែខ្ញុំបានសរសេរផ្ដោតលើប្រធានបទរួមមួយ គឺ “ក្ដីសង្ឃឹម”   ដែលបង្កប់នៅក្នុងប្រលោមលោក

ខ្នាតខ្លី និងអត្ថបទទាំងអស់ដែលស្ថិតនៅក្នុងសៀវភៅទាំងមូល ពោលគឺ ដរាបណាថ្ងៃស្អែកនៅតែមាន យើងត្រូវតែមានសង្ឃឹមជានិច្ចក្នុងការរស់នៅឱ្យបានល្អប្រសើរជាងមុន។ 

ជាចុងក្រោយ ខ្ញុំសូមអរគុណដល់ក្រុមការងារ សៀវភៅជីវិត ដែលបានសហការបោះពុម្ពសៀវភៅមួយក្បាលនេះឡើង ក៏ដូចជាអរគុណដល់មនុស្សគ្រប់គ្នា ដែលតែងតែគាំទ្រស្នាដៃរបស់ខ្ញុំកន្លងមក។ ខ្ញុំបានដាក់បេះដូងក្នុងការសរសេរ ដោយគ្រាន់តែសង្ឃឹមថា អ្នកអានរបស់ខ្ញុំ អាចមានថ្ងៃស្អែកដ៏មានន័យ។ សន្យានឹងខ្ញុំណា ថាក្រោយពេលអានចប់សៀវភៅមួយក្បាលនេះហើយអ្នកនឹងមានសុទិដ្ឋិនិយមក្នុងជីវិតកាន់តែច្រើនឡើង៕ 

ឈុតសៀវភៅ

រៀនកែប្រែកំហុស

“ស្រឡាញ់ខ្លួនឯង” ជាឃ្លាដែលយើងឧស្សាហ៍ឮ ឬជាឃ្លាដែលយើងតែងប្រាប់ខ្លួនឯងរឿយៗ ប៉ុន្តែទង្វើរបស់យើងច្រើនតែព្រងើយនឹងសម្ដីមួយនេះ។ កាលពីមុន ខ្ញុំតែងយល់ថា ធ្វើខ្លួនឱ្យសប្បាយគឺគ្រប់គ្រាន់ហើយសម្រាប់ការស្រឡាញ់ខ្លួនឯង ប៉ុន្តែខ្ញុំភ្លេចទៅហើយថា រឿងសប្បាយៗអស់ទាំងនោះ អាចផ្ដល់ទុក្ខទោសដល់ជីវិតរបស់ខ្លួនឯង។ 

ពេលខ្លះខ្ញុំសប្បាយនឹងរៀន សប្បាយនឹងធ្វើការ ឬសប្បាយនឹងការកម្សាន្ដនានា រហូតខកខានញ៉ាំអាហារញ៉ាំមិនសូវទៀងទាត់ យូរទៅលែងអីនឹងឈឺក្រពះ ហើយជួនកាលក៏ធ្វើរឿងអស់នោះដល់យប់ជ្រៅ ឬដាច់យប់ ធ្វើឱ្យគេងមិនបានគ្រប់គ្រាន់។ ពេលខ្លះខ្ញុំសប្បាយនឹងការជួបជុំ ផឹកស៊ីហួសហេតុមិនគិតខ្វល់ដល់សុខភាព

បន្តអាន

សៀវភៅរបស់អ្នកនិពន្ធ

សំឡេងខ្សឹប

កែវ សេងរដ្ឋា

កែវ សេងរដ្ឋា ជានិស្សិតវេជ្ជសាស្ត្រឯកទេសផ្នែកវះកាត់ទូទៅ និងប្រព័ន្ធរំលាយអាហារនៅសាកលវិទ្យាល័យវិទ្យាសាស្ត្រសុខាភិបាល។ រដ្ឋាជាកូនទោលក្នុងគ្រួសារ ដែលមានលោកឪពុកឈ្មោះ កែវ វង្សតារា និងអ្នកម្ដាយឈ្មោះ ច័ន្ទ សុគន្ធា។ លោកទាំងពីរសុទ្ធតែជាមន្ត្រីរាជការ។ រដ្ឋាបានរស់នៅក្នុងខេត្តកំពង់ឆ្នាំងដែលជាទឹកដីកំណើត និងរៀនសូត្រនៅទីនោះរហូតដល់ចប់បាក់ឌុបនៅឆ្នាំ ២០០៩ ទើបឡើងមកបន្តការសិក្សាថ្នាក់បរិញ្ញាបត្រនៅរាជធានីភ្នំពេញ។ ជាក្មេងដែលមានប្រវត្តិសិក្សាល្អ និងមានសមត្ថភាពម្នាក់។

រដ្ឋាបានទទួលអាហារូបករណ៍ថ្នាក់បរិញ្ញាបត្រវេជ្ជសាស្ត្រពីសាកលវិទ្យាល័យសុខាភិបាល និងអាហារូបករណ៍ថ្នាក់បរិញ្ញាបត្រអក្សរសាស្ត្រអង់គ្លេសពីសាកលវិទ្យាល័យពុទ្ធិសាស្ត្រ ហើយបានបញ្ចប់ការសិក្សាទាំងពីរជំនាញនេះដំណាលគ្នាក្នុងឆ្នាំ ២០១៥។ 

បន្តអាន