.png)
គូស្នេហ៍ស្ម័គ្រស្មោះមួយគូបានត្រលប់មកជួបគ្នាម្តងទៀតដោយសារកម្លាំងអធិដ្ឋាន តែទីបំផុតពួកគេក៏ត្រូវបែកគ្នា ដោយសារតែកម្លាំងអធិដ្ឋាននោះដែរ។
ពាក្យសន្យាដោយតំណក់លោហិតក្នុងអតីតជាតិត្រូវការប្តូរដោយពាក្យសច្ចៈក្នុងជាតិថ្មី។
គ្រប់យ៉ាងជាការកំណត់ទុកនៃជោគវាសនា ប៉ុន្តែនៅមានសៀវភៅកំណត់ហេតុមួយក្បាលទៀតដែល លីឡាមិនទាន់បានអាន ហើយដំណោះស្រាយជីវិតនៅទីបញ្ចប់គឺស្ថិតនៅលើកំណត់ហេតុនេះហើយ។
ក្នុងនេះគឺជា… សៀវភៅ!
វាជាសៀវភៅមួយក្បាល ដែលមានពណ៌ស្វាយដូចគ្នានឹងកំណត់ហេតុចាស់របស់ខ្ញុំដែរ តែមានសភាពថ្មីជាង! សុខៗអារម្មណ៍ជាច្រើនដែលកប់ជ្រៅក្នុងចិត្ត ក៏ត្រូវបានគាស់កកាយឱ្យភ្ញាក់ឡើងដំណាលគ្នា។ ដ្បិតតែរយៈពេលមួយឆ្នាំកន្លងផុតទៅហើយ តែអារម្មណ៍ដេលដក់ជាប់នឹងសៀវភៅកំណត់ហេតុពណ៌ស្វាយមិនដែលរសាយឡើយ។ រាល់ពេលដែលដៃខ្ញុំចាប់កាន់សៀវភៅថ្មី អារម្មណ៍ខ្ញុំតែងតែនឹកដល់អតីតកាលដ៏ស្រស់ស្អាតមួយនោះ គ្មានថ្ងៃបំភ្លេចបាន។ រឿងខ្លះវាមានរយៈពេលខ្លីបំផុត តែបែរជាអាចឱ្យយើងចងចាំបំផុតទៅវិញ…
