កាពីទែនជីវិតភាគ ១

ប្រភេទ៖

ប្រលោមលោក

តម្លៃ USD៖

$ 7.00

តម្លៃ KHR៖

28,000 KHR

តម្លៃកក់ KHR៖

ចំនួនទំព័រ៖

225

អ្នកនិពន្ធ៖

ថុន ថាវរី

ថ្ងៃចេញផ្សាយ៖

2019

បោះពុម្ពលើកទី៖

1st

នេះគឺជាដំណើរជីវិតរបស់ក្មេងស្រីម្នាក់ក្នុងចំណោមក្មេងស្រីជាច្រើនផ្សេងទៀតដែលចាប់កំណើតឡើងនៅទីជនបទ។ នាងចេះមានក្តីស្រមៃតាំងពីតូច ហើយក្ដីស្រមៃនោះបានជំរុញឱ្យនាងខិតខំតតាំងនឹងភាពលំបាកក្នុងជីវិត។ ពេលវេលានៃកុមារភាពរបស់នាងក្លាយជាពេលវេលាដែលត្រូវតតាំងប្រឹងរស់ដូចមនុស្សធំពេញវ័យ វាខុសពីក្មេងដទៃផ្សេងទៀតជាច្រើនដែលអាចស្គាល់ពីរសជាតិជីវិតដ៏កក់ក្ដៅក្នុងរង្វង់ដៃថ្នាក់ថ្នមពីឪពុកម្ដាយ។ សភាពជីវិតដែលត្រូវទទួលមើលងាយមើលថោក ការរើសអើង ភាពភ័យខ្លាច អំពើហិង្សា សម្ពាធផ្លូវចិត្តយ៉ាងធ្ងន់ធ្ងរ ភាពជូរចត់ក្នុងជីវិតឯកជន និងបរាជ័យក្នុងរឿងស្នេហា។ នាងធំធាត់ឡើងជាមួយប្រយោគសំណួរមួយឃ្លា “តើខ្ញុំខុសអ្វីដោយគ្រាន់តែកើតមកជាកូនស្រី?” 

ប៉ុន្តែដូចដែលមនុស្សជាច្រើនក៏បានដឹង និងទទួលស្គាល់រួចមកហើយ។ គ្រប់រសជាតិនៃជីវិតដែលឆ្លងកាត់កន្លងមក វានឹងក្លាយទៅជាសោភ័ណរបស់ជីវិត។ គ្រប់គ្នាអាចជួបការលំបាកលើរឿងផ្សេងៗពីគ្នា ហើយបទពិសោធន៍ជីវិតរបស់មនុស្សម្នាក់ៗក៏ជួយគូសឆ្លាក់ជីវិតគេក្នុងពេលបច្ចុប្បន្នឱ្យមានភាពខុសគ្នាជាច្រើន។ មេឃខ្មៅងងឹតនឹងមានពេលមួយត្រឡប់មកជាភ្លឺឡើងវិញ។ ព្យុះភ្លៀងខ្លាំងយ៉ាងណាក៏គង់តែកន្លងហួសទៅដោយពេលវេលា។ ទីបំផុតគ្មាននរណាដែលធ្វើជាកាពីតែននៃជីវិតឱ្យយើងទេគឺមានតែយើងខ្លួនឯងហ្នឹង!

ឈុតសៀវភៅ

ជំពូក៤ ក្ដីស្រមៃដែលមិនគួរឱ្យទៅរួច

កន្លែងដែលធ្វើឱ្យខ្ញុំមានសេចក្ដីសុខនោះ គឺទូសៀវភៅចាស់មួយដែលនៅលើផ្ទះរបស់ខ្ញុំ។ សៀវភៅនៅទីនោះគឺជាសៀវភៅរបស់ពូខាងម៉ែខ្ញុំ ដែលគាត់បាមផ្លាស់ទៅនៅខេត្តបាត់ដំបងបាត់ កាលពី៣ឆ្នាំមុន។ វាជាកន្លែងដេលធ្វើឱ្យខ្ញុំមានសន្ដិភាពផ្លូវចិត្ត ហើយធ្វើឱ្យខ្ញុំភ្លេចអស់រឿងរ៉ាវជីវិតទាំងឡាយ។ ខ្ញុំចូលចិត្តរើសៀវភៅចាស់ៗទាំងនោះយកមកអាន។ សៀវភៅជាមិត្តដែលបានដឹកដៃខ្ញុំធ្វើដំណើរទៅកាន់កន្លែងផ្សេងៗជាច្រើន ដែលខ្ញុំមិនធ្លាប់បានទៅដល់។ ខ្ញុំបានធ្វើដំណើរជាមួយសៀវភៅរាប់សិបក្បាលទៅជួបនឹងអ្នកប្រាជ្ញ តួអង្គក្លាហានក្នុងរឿងនិទាន បានទៅឈរលើកំពូលភ្នំមើលទេសភាពដ៏ត្រកាលនៃសកន្លែងទីកន្លែងដ៏អស្ចារ្យ ហើយទាំងអស់នេះវាជាបទនិពន្ធដែលទាញអារម្មណ៍ខ្ញុំឱ្យស្លុងចូលទៅក្នុងពិភពមួយដ៏ចម្លែក។

បន្តអាន

សៀវភៅរបស់អ្នកនិពន្ធ

ថ្ងៃថ្មីនៅតែមាន

ដំណើរ

នារីប្រពៃ

នារីប្រពៃ ភាសាអង់គ្លេស

បាត់បង់តែមិនបោះបង់

កាពីទែនជីវិតភាគ​ ២

និស្ស័យ

ថុន ថាវរី

នាងខ្ញុំឈ្មោះ ថុន ថាវរី បានទទួលបរិញ្ញាបត្រមកពីសាកលវិទ្យាល័យ Hradec Kralove, សាធារណរដ្ឋឆែកនៅក្នុងជំនាញគ្រប់គ្រងពត៌មានវិទ្យា។ ខ្ញុំបានកើតនិងបានរស់នៅក្នុងគ្រួសារកសិករសាមញ្ញមួយនៅលើកោះតូចមួយនៅតាមដងទន្លេបាសាក់ក្នុងប្រទេសកម្ពុជា។ គ្រួសាររបស់ខ្ញុំតែងតែគាំទ្រខ្ញុំនិងឱ្យតម្លៃទៅលេីការអប់រំជាខ្លាំង។ ពួកគាត់បានលើកទឹកចិត្តខ្ញុំទៅបន្តការសិក្សាឱ្យបានខ្ពង់ខ្ពស់និងផ្ដល់ឱ្យខ្ញុំមានសេរីភាពក្នុងការធ្វើអ្វីដែលខ្ញុំស្រឡាញ់។ ឪពុកម្តាយរបស់ខ្ញុំតែងតែបានប្រាប់ខ្ញុំថា “ការអប់រំ” គឺជាគន្លឹះក្នុងការទទួលបាននូវភាពជោគជ័យហើយនឹងអាចកាត់បន្ថយភាពក្រីក្រនៅក្នុងប្រទេសកម្ពុជា។

បន្តអាន