ប្រលោមចិត្តភាគ ១

ដាច់ស្តុក

ប្រភេទ៖

ប្រលោមលោក

តម្លៃ USD៖

$ 7.00

តម្លៃ KHR៖

28,000 KHR

តម្លៃកក់ KHR៖

ចំនួនទំព័រ៖

237

អ្នកនិពន្ធ៖

ម៉ៅ សំណាង

ថ្ងៃចេញផ្សាយ៖

Sep 2020

បោះពុម្ពលើកទី៖

2nd

ការពិតនៅលើលោកនេះមានប្រៀបដូចលម្អងធូលីនៅក្នុងទីងងឹត។ ទោះជាគ្រប់គ្នាព្យាយាមកុហកខ្លួនឯងព្យាយាមបិទបាំងការពិតយ៉ាងណាក៏ដោយ ក៏ពេលវេលាមួយដែលថ្ងៃរះពេញពន្លឺ វានៅតែអាចធ្វើឱ្យលម្អងធូលីលាក់បាំងខ្លួនមិនបានដដែល។ ខ្ញុំមិនត្រូវការបកស្រាយឱ្យអ្នកបានយល់អ្វីច្រើនទេ។ ខ្ញុំទទួលរងការឈឺចាប់ច្រើនណាស់មកហើយវាច្រើនរហូតដល់ខ្ញុំរកចន្លោះទំនេរសម្រាប់ទទួលយកការឈឺចាប់ និងក្ដីទុក្ខបន្ដទៀតមិនបាន។ ប្រាកដណាស់ពេលដែលយើងទទួលរងនូវក្ដីវិបិត្តឆ្អែតឆ្អន់ពេក វាក៏ឈានដល់ចំណុចមួយគឺចិត្ត និងបេះដូងរបស់យើងត្រូវស្ពឹកស្រពន់អស់យើងលែងទទួលអារម្មណ៍ថាឈឺចាប់និងគ្រាំគ្រាអ្វីទៀតហើយ។ បណ្ដោយជីវិតឱ្យរស់នៅតែសំបកកាយគ្មានបេះដូងគ្មានក្ដីស្រឡាញ់ទើបគ្មានក្ដីអស់សង្ឃឹម។ អ្នកមិនអាចមើលដឹងទេថាខ្ញុំគឺជាមនុស្សបែបណា។ 

បើអ្នកសម្លឹងមើលមកខ្ញុំ ដោយប្រើត្រឹមតែកែវភ្នែកមួយគូ។ នៅក្នុងកែវភ្នែករបស់អ្នក ខ្ញុំអាចជាមនុស្សម្នាក់ដែលអាក្រក់បំផុត ប៉ុន្ដែខ្ញុំសុំឱ្យអ្នកមើលមកខ្ញុំដោយប្រើដួងចិត្ត នោះអ្នកនឹងស្គាល់ខ្ញុំបានច្បាស់ជាងនេះ។ ខ្ញុំចង់ឱ្យអ្នកក្លាយមកជាពន្លឺមួយដ៏អស្ចារ្យចាំងឆ្លុះមកក្នុងជីវិតខ្ញុំ អាចមើលឃើញពីការពិតដែលលាក់បាំងនៅក្នុងជីវិតដួងចិត្តរបស់ខ្ញុំ ហើយខ្ញុំនឹងទន្ទឹងរង់ចាំថ្ងៃណាមួយនោះមកដល់រហូតដល់ដង្ហើមចុងក្រោយរបស់ខ្ញុំ។ 

‘ទោះអតីតកាលឈឺចាប់យ៉ាងណា ជីវិតនៅតែអាចចាប់ផ្ដើមថ្មីបាន’ 

ឈុតសៀវភៅ

វគ្គ២ មិនយល់

ភ្ញៀវពិសេសនោះគឺ គហបតីក្មេង វិសុទ្ធសិលា។ តាកេនកំពុងបើកភ្នែកធំៗមើលមុខមាណព ខំប្រឹងសម្រួលដង្ហើមទម្រាំតែនិយាយចេញ៖

- ថាម៉េច? លោកម្ចាស់ចង់ស្ដីដណ្ដឹងផ្កាកែវចៅស្រីខ្ញុំ? តើលោកម្ចាស់ស្គាល់កែវពីអង្កាល់! កែវទៅរស់នៅភ្នំពេញ១០ឆ្នាំហើយ ទើបតែត្រលប់មកស្រុកវិញបាន២ថ្ងៃប៉ុណ្ណោះ ធ្វលម៉េចនាងអាចបានស្គាល់លោកម្ចាស់ ហើយឈានទៅដល់រឿងរៀបការនោះ?

សិលាសម្លឹងមុខតាកេនត៉ាងមុត ទឹកមុខគេស្ងួតស្ងប់សម្ដីគ្រប់ម៉ាត់មានន័យបញ្ជា ហើយដាច់ខាតទៀតផង៖

- លោកតាមិនចាំបាច់ឆ្ងល់ទេ ខ្ញុំពេញចិត្តហើយក៏ចូលមកស្ដីដណ្ដឹងចៅស្រីតាតាមច្បាប់ប្រពៃណី។

បន្តអាន

សៀវភៅរបស់អ្នកនិពន្ធ

រលកបោកខ្សាច់

ឈុតនភាល័យ

នភាល័យ ភាគ៣

ទន្សាយជានរណា

នភាល័យ

សែងសុរិយា

ប្រលោមចិត្តភាគ ២

ស្លាបមយូរី

កុលាបខ្មៅ

នភាល័យ ភាគ២

ម៉ៅ សំណាង

នាងខ្ញុំឈ្មោះម៉ៅ សំណាង កើតនៅឆ្នាំ១៩៥៩ បានសិក្សាដល់ថ្នាក់ទី១ ទំនើបជាតិ ក្នុងរបបសាធារណរដ្ឋលន់នល់។ ឪពុកឈ្មោះម៉ៅ សោម ជាសាស្ត្រាចារ្យអក្សរសាស្ត្រខ្មែរ (ទទួលមរណភាពក្នុងរបបប៉ុលពត)។ ម្ដាយឈ្មោះប៉ែន ស៊ីយ៉ែន ជាមេផ្ទះ (ទទួលមរណភាពនៅក្នុងឆ្នាំ ២០០០)។ នាងខ្ញុំជាកូនស្រីច្បងក្នុងចំណោមបងប្អូន៥នាក់។ ស្វាមីរបស់ខ្ញុំឈ្មោះសួន សុម៉ុនធឿន អតីតយោធា។ មានកូនស្រីម្នាក់ឈ្មោះម៉ៅ ចាន់រស្មី កើតនៅឆ្នាំ១៩៩៥។ 

បន្តអាន