.png)
មានជីវិតត្រូវតែមានស្នេហា។ ស្នេហាមិនមែនសម្រាប់ការលះបង់ ស្នេហាក៏មិនមែនសម្រាប់ទទួលយកតែម្យ៉ាងនោះដែរ។ ស្នេហាត្រូវតែមានការផ្ដល់ឱ្យផង ហ៊ានស្រឡាញ់គឺហ៊ានទទួលលទ្ធផលចុងក្រោយ អាចជួប ឬព្រាត់? ទិសដៅស្នេហាគ្មានដែនកំណត់ទេ។ ពិសស្នេហ៍កុលាបមុតធ្លុះជ្រួតជ្រាបពេញបេះដូងបងហើយ។ អូនចង់ប្រើពេលវេលាយ៉ាងខ្លី ប្រើសម្ដីតែប៉ុន្មានឃ្លាមកកាត់ផ្ដាច់ស្នេហ៍យើងពុំមែនជាការងាយឡើយ។
អូនបន្ទោសបងថា ជាប្រុសល្ងង់ កូនប្រុសពិតប្រាកដត្រូវចេះជ្រើសរើសនារីដែលស័ក្ដិសមជាមួយខ្លួន។ បើស្នេហាតម្រូវតែត្រឹមភាពស័ក្ដិសមនោះ បងសុំធ្វើជាប្រុសល្ងង់សម្រាប់អូនចុះ។ នៅពេលដែលបងបានជួបអូន ទើបបងយល់ច្បាស់ជម្រៅនៃពាក្យថាស្នេហ៍ ហើយវត្ថុដែលកាត់ថ្លៃស្នេហាបានមានតែមួយគត់ គឺបេះដូងបរិសុទ្ធ ស្នេហាពិតដែលមិនត្រូវការអ្វីមកថែមពណ៌ បន្លំភ្នែក ក្រៅពីដូងចិត្តស្មោះស្មគ្រ័។ បើអូនចង់ផ្ដាចើស្នេហាដែលបងមានចំពោះអូន ទាល់តែអូនផ្ដាច់ពូជកូលាបឱ្យអស់ពីមែនដីនេះទាំងមូល។
និមលឈានថយក្រោយយឺតៗ នាងមិនដឹងថាប្រុសនេះមានបំណងអ្វីឱ្យប្រាកដទេ គេចំណាយប្រាក់ គេត្រូវការរូបនាង តែសម្ដីគេដូចជាខឹងនឹងនាងទៅវិញ។ ទោះបីជាយ៉ាងណា ក៏ឆោមល្អជឿជាក់ថា គេមិនចំណាយប្រាក់ដោយគ្មានសំណងនោះទេ ធីតាលុតជង្គង់គ្រឹបតាំងចិត្តថា អង្វរសក្កា ក្រែងគេអាចស្តាប់បាន ព្រោះមើលទៅគេជាមនុស្សនិយាយហ្មត់ចត់ដែរ៖
- លោក…ខ្ញុំអង្វរ… មនុស្សដែលមានឋានៈប្រាក់ចាយមិនអស់ដូចលោក ច្បាស់ជាមិនបង្ខំចិត្តស្រីដែលមិនព្រមព្រៀងជាមួយលោកនោះទេ! ខ្ញុំពិតជាមិនបានដឹងរឿងម្ដាយខ្ញុំយកប្រាក់របស់លោក… ចាំខ្ញុំរកប្រាក់សងលោកវិញ លោកទុកពេលឱ្យខ្ញុំ…ផងទៅ… ហើយកុំ..បង្ខំចិត្តខ្ញុំអី!
.png)
